Die moderne onthaal saal kan tot 120 gaste fasiliteer. Daar is ‘n kroeg area wat uitkyk oor die swembad area en lapa. Asemrowende uitsigte oor die Maluti berge kan hiervandaan gesien word. Die fasiliteit is so ontwerp om te verseker dat die trou paartjie en hulle gaste deel word van die pragtige omgewing en uitsigte. Buffet etes word bedien in die eetsaal terwyl ons Sjefs verskeie watertand etes voorberei. Kwotasies is beskikbaar op aanvraag.

 

Vir die natuurliefhebbers reël ons tuin troues wat uniek aan elkeen se smaak voldoen. Die tuine, swembad en lapa area vorm deel van die omgewing en is geskik vir kleiner troues.

Asemrowende uitsigte van die alomliggende bergreekse bied skitterende agtergrond vir troues, afhangend van elke paar se unieke smaak.

‘n Romantiese bos troue geleë op die plaas, bied die perfekte omgewing vir die avontuurlistige trou paar met ‘n liefde vir die skone natuur, en wat gebruik wil maak van die ongerepte natuur vir hul seremonie.

 

Buitelig troues en funksies kan verskuif word na een van ons sale sou die weer of onvoorsiene omstandighede dit noodsaak. Daar is ‘n knus oop grot beskikbaar vir kleiner troues of funksies sou die geleentheid hom voordoen, met toilet geriewe.

Daar is 80 beddens beskikbaar op die plaas. Indien ons ten volle bespreek is, sal ons behulpsaam wees met alternatiewe verblyf reëlings. Ons is voorbereid vir enige gebeurtenis.

 

U troudag by Uitzicht sal beslis sorg vir onvergeetlike herinneringe.

​

Kwotasie op aanvraag - Aantal gaste en jou behoeftes bepaal die kwotasie.